රජයේ කර්මාන්තශාලා දෙපාර්තමේන්තුවේ ප්‍රාථමික ශිල්පීය සේවා ගණයේ (PL3) විවෘත බඳවා ගැනීම් – 2026
2026 සැප්තැම්බර් මස 25 වැනි දිනැති රජයේ ගැසට් පත්‍රය අනුව රජයේ කර්මාන්තශාලා දෙපාර්තමේන්තුවේ ප්‍රාථමික ශිල්පීය සේවා ගණයේ (PL3) III වන ශ්‍රේණිය සඳහා ස්ථිර හා විශ්‍රාම වැටුප් සහිත තනතුරු 14ක් යටතේ පවතින පුරප්පාඩු 39ක් පිරවීම සඳහා සුදුසුකම්ලත් ශ්‍රී ලාංකිකයන්ගෙන් විවෘත අයදුම්පත් කැඳවා ඇත.
සේවා ගණය
ප්‍රාථමික ශිල්පීය (PL3)
බඳවා ගන්නා ශ්‍රේණිය
III වන ශ්‍රේණිය
පත්වීමේ ස්වභාවය
ස්ථිර හා විශ්‍රාම වැටුප් සහිත
ආරම්භක මාසික වැටුප
රු. 42,780/-
1. පුරප්පාඩු පවතින තනතුරු සංඛ්‍යාලේඛනය
| අනු අංකය | අනුමත තනතුරු නාමය | පුරප්පාඩු සංඛ්‍යාව |
|---|---|---|
| 01 | කෝරකරු (Core maker) | 01 |
| 02 | පිරිසැකසුම්කරු (ලෝහ) (Fabricator - Metal) | 02 |
| 03 | උඳුන්කරු (Furnaceman) | 01 |
| 04 | වැද්දුම්කරු (සාමාන්‍ය) (Fitter - General) | 08 |
| 05 | බර වාහන ක්‍රියාකරු (Heavy Vehicle Operator) | 04 |
| 06 | නළ කර්මාන්තකරු (Pipe fitter) | 01 |
| 07 | යන්ත්‍ර ක්‍රියාකරු (නිෂ්පාදන) (Machine Operator - Production) | 01 |
| 08 | යන්ත්‍රකරු (Machinist) | 08 |
| 09 | යන්ත්‍රකරු (ලී) (Machinist - Wood) | 01 |
| 10 | වාත්තුකරු (Foundry Man) | 04 |
| 11 | වාත්තුමල්කරු (Pattern Maker) | 01 |
| 12 | ජල නළ කාර්මික (Plumber) | 01 |
| 13 | පෑස්සුම්කරු (Welder) | 05 |
| 14 | දැව කර්මාන්තකරු (දැව භාණ්ඩ) (Carpenter - Furniture) | 01 |
| එකතුව | 39 | |
2. එක් එක් තනතුරට අදාළ කාර්යභාරය, සුදුසුකම් සහ ප්‍රායෝගික පරීක්ෂණ විස්තර
I. යාන්ත්‍රික, පෑස්සුම් හා ලෝහ අංශය
1. වැද්දුම්කරු - සාමාන්‍ය (Fitter - General)
පුරප්පාඩු: 08
කාර්යභාරය: සියලු බර/සැහැල්ලු වැද්දුම් කටයුතු කිරීම (විශාල පරිමාණ ගේට්ටු නිෂ්පාදනය), යන්ත්‍ර අලුත්වැඩියාව සහ ඒ සඳහා වන ඇස්තමේන්තු විස්තර ලබාදීම.
වෘත්තීය සුදුසුකම්: NVQ 04 වන මට්ටමේ ප්‍රවීණතාවය ලබා තිබීම.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): යන්ත්‍ර උපකරණ සහ ඩයි වර්ග කොටස් එකලස් කිරීම හා සවිකිරීම; යන්ත්‍රෝපකරණ නඩත්තුව පිළිබඳ මනා අවබෝධයක් තිබීම.
මෙම රැකියා සදහා අදාළ ආදර්ශ අයදුම්පත් ඔබගේ නිවසටම ගෙන්වා ගන්න
⚠️ මුද්‍රණ සහ බෙදාහැරීමේ සේවා ගාස්තු (Printing & Delivery Charges) අය කෙරේ
(මුද්‍රිත ආදර්ශ අයදුම්පත්‍රය ඔබගේ ලිපිනයටම තැපැල් මඟින් ලබාගත හැක)
💬 WhatsApp හරහා අයදුම්පත ඇනවුම් කරන්න
2. යන්ත්‍රකරු (Machinist)
පුරප්පාඩු: 08
කාර්යභාරය: බෝරින්, මිලින්, ලේත් හා ඩ්‍රිලින් යන්ත්‍ර ක්‍රියාකරවීම, ලෝහ කොටස් අවශ්‍ය පරිදි යන්ත්‍රණය කිරීම, සුළු සේවා කටයුතු සහ ඇස්තමේන්තු විස්තර ලබාදීම.
වෘත්තීය සුදුසුකම්: NVQ 04 වන මට්ටමේ ප්‍රවීණතාවය ලබා තිබීම.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): ලේත් යන්ත්‍රණ කටයුතු පිළිබඳ පළපුරුද්ද, ඩ්‍රිලින් සහ ඒ ආශ්‍රිත කටයුතු, ලේත් සහ ඩ්‍රිලින් ටූල්ස් ග්‍රයින්ඩින් කිරීම පිළිබඳ ප්‍රවීණතාව.
3. පෑස්සුම්කරු (Welder)
පුරප්පාඩු: 05
කාර්යභාරය: ගෑස්, විද්‍යුත්, TIG සහ MIG යන්ත්‍ර භාවිත කරමින් සියලු පෑස්සුම් කටයුතු (පිත්තල, ඇලුමිනියම්, යකඩ, වානේ සහ සුදු යකඩ) සිදුකිරීම සහ ඇස්තමේන්තු විස්තර ලබාදීම.
වෘත්තීය සුදුසුකම්: NVQ 04 වන මට්ටමේ ප්‍රවීණතාවය ලබා තිබීම.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40):
• NVQ 4 ආර්ක් පෑස්සුම: ඔක්සි-ඇසිටිලීන් ගෑස් කැපීම, පැතලි පිහිටීමේදී වානේ තහඩු මැනුවල් ආර්ක් ක්‍රමයට පෑස්සීම (1G හා 1F), තිරස්, සිරස් (3G), ඕවර්හෙඩ් (4G) සහ සෝල්ඩරින්/බ්‍රේසිං.
• NVQ 4 ටීග් පෑස්සුම: ඔක්සි-ඇසිටිලීන් වානේ කැපීම, පැතලි, තිරස්, සිරස් (3G), ඕවර්හෙඩ් (4G) සහ සියලු පිහිටීම්වලදී වානේ පයිප්ප පෑස්සීම (6G).
• NVQ 4 ආර්ක් පෑස්සුම: ඔක්සි-ඇසිටිලීන් ගෑස් කැපීම, පැතලි පිහිටීමේදී වානේ තහඩු මැනුවල් ආර්ක් ක්‍රමයට පෑස්සීම (1G හා 1F), තිරස්, සිරස් (3G), ඕවර්හෙඩ් (4G) සහ සෝල්ඩරින්/බ්‍රේසිං.
• NVQ 4 ටීග් පෑස්සුම: ඔක්සි-ඇසිටිලීන් වානේ කැපීම, පැතලි, තිරස්, සිරස් (3G), ඕවර්හෙඩ් (4G) සහ සියලු පිහිටීම්වලදී වානේ පයිප්ප පෑස්සීම (6G).
4. පිරිසැකසුම්කරු - ලෝහ (Fabricator - Metal)
පුරප්පාඩු: 02
කාර්යභාරය: රෝහල් සඳහා උපකරණ සෑදීම, තහඩු යොදා ආකෘති සකස් කිරීම, තහඩු වලින් අකුරු කැපීම හා තීන්ත ආලේපන කටයුතු සිදුකිරීම.
වෘත්තීය සුදුසුකම්: NVQ 04 වන මට්ටමේ ප්‍රවීණතාවය ලබා තිබීම.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): ලෝහ කැපීම සඳහා සලකුණු කිරීම සහ පිරිසකසන ලද ලෝහ කොටස් එකලස් කිරීම.
5. යන්ත්‍ර ක්‍රියාකරු - නිෂ්පාදන (Machine Operator - Production)
පුරප්පාඩු: 01
කාර්යභාරය: ඇණ සාදන යන්ත්‍රය හා වෙනත් නිෂ්පාදන යන්ත්‍ර ක්‍රියාකරවීම, සුළු නඩත්තු කටයුතු කිරීම සහ ඇස්තමේන්තු විස්තර ලබාදීම.
වෘත්තීය සුදුසුකම්: පිළිගත් කාර්මික ආයතනයකින් අවම වසර 02ක පාඨමාලා සහතිකය, සැලසුම් කියවීම, බෝල්ට් හැඩතලන යන්ත්‍ර, ද්‍රව පීඩක යන්ත්‍ර සහ කම්මල් හැඩතලන යන්ත්‍ර ක්‍රියාකරවීමේ හැකියාව.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): කම්මල් හැඩතලන යන්ත්‍ර සහ පීඩක ක්‍රියාකරවීම, බෝල්ට් ඇණ හැඩතලන යන්ත්‍ර ක්‍රියාකරවීම හා දෛනික නඩත්තුව, ද්‍රව පීඩක යන්ත්‍ර හැසිරවීම.
II. වාත්තු හා උඳුන් අංශය (Foundry & Casting)
6. වාත්තුකරු (Foundry Man)
පුරප්පාඩු: 04
කාර්යභාරය: වාත්තු ගැනීමට අවශ්‍ය වන වාත්තු අච්චු සකස් කිරීම, වාත්තු ගැනීමේ කටයුතු කිරීම සහ ඊට අදාළ ඇස්තමේන්තු සැපයීම.
වෘත්තීය සුදුසුකම්: පිළිගත් කාර්මික ආයතනයකින් අවම වසර 02ක පාඨමාලා සහතිකය, ෆෙරස්/නොන්-ෆෙරස් වාත්තු සඳහා අමු පස්/වියළි පස් මිශ්‍රණ සංයුතිය තීරණය කිරීම, මෝල්ඩින් පෙට්ටි රාමු සකස් කිරීම, ලෝහ උෂ්ණත්වය තීරණය කර අච්චු වලට ලෝහය වත්කිරීමේ හැකියාව.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): අමු පස් හෝ වියළි පස් යොදාගෙන කොටස් 2ක හෝ 3ක සංකීර්ණ හෝ මධ්‍යම ප්‍රමාණයේ වාත්තු අච්චුවක් පිළියෙල කර පරීක්ෂණයට භාජනය කිරීම.
7. උඳුන්කරු (Furnaceman)
පුරප්පාඩු: 01
කාර්යභාරය: සියලු වාත්තු ගැනීමේදී අවශ්‍ය වන කියුපෝලා සහ ෆර්නස් උඳුන් ක්‍රියාත්මක කරවීම, උඳුන් අලුත්වැඩියාව සහ ඇස්තමේන්තු ලබාදීම.
වෘත්තීය සුදුසුකම්: පිළිගත් කාර්මික ආයතනයකින් අවම වසර 01ක පාඨමාලා සහතිකය, ක්‍රූසිබල්/නොන්-ක්‍රූසිබල් හා ඔයිල් ෆයර්ඩ් ෆර්නස් හැසිරවීම, බ්ලෝවර්ස්/බර්නර්ස් ක්‍රියාකරවීම, පයිරෝ මීටරයක් භාවිත කර උෂ්ණත්වය මැනීමේ මූලික දැනුම.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): දෙන ලද පිරිවිතරයකට අනුව ලෝහ ද්‍රව කිරීම සඳහා කියුපෝලා උඳුන නිසි පරිදි ක්‍රියාත්මක කිරීම, නිවැරදි කෝක් ග්‍රේඩය හඳුනාගැනීම සහ ද්‍රවණය වූ ලෝහය ලබාගැනීම.
8. කෝරකරු (Core maker)
පුරප්පාඩු: 01
කාර්යභාරය: වාත්තු කිරීම්වලදී අවශ්‍ය වන සියලු ආකාරයේ කෝර (Cores) සෑදීම සහ ඇස්තමේන්තු විස්තර ලබාදීම.
වෘත්තීය සුදුසුකම්: පිළිගත් ආයතනයකින් වසර 01ක පාඨමාලා සහතිකය, වැලි කෝර සඳහා වෙන්ටින් සහ බේකින් ක්‍රම, ඔයිල් සෑන්ඩ් සහ ග්‍රීන් සෑන්ඩ් මිශ්‍රණ සකස් කිරීම, ලෝම් සෑන්ඩ් මඟින් පයිප්ප කෝර සැකසීමේ හැකියාව.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): කෝර පස් වැලි මිශ්‍රණයක් සාදාගෙන කෝර පෙට්ටියක් සෑදීම, කෝර වැලි ගම් සහ ඩ්‍රෙසින් සංයුතිය නිවැරදිව යොදාගැනීම, ටෙම්ප්ලේට් සහ ගේජස් යොදා සැකසීම.
9. වාත්තුමල්කරු (Pattern Maker)
පුරප්පාඩු: 01
කාර්යභාරය: වාත්තු අච්චු සෑදීම සඳහා අවශ්‍ය වන වාත්තු මල (Pattern) ලී වලින් නිර්මාණය කිරීම සහ ඇස්තමේන්තු ලබාදීම.
වෘත්තීය සුදුසුකම්: පිළිගත් කාර්මික ආයතනයකින් වසර 01ක පාඨමාලාව, සැලසුම් කියවීම, විවිධ ලෝහ සඳහා Contraction Rule භාවිතය, කෝර ප්‍රින්ට් භාවිතයෙන් වාත්තු මලක් සෑදීමේ නිපුණතාවය.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): කෝර ප්‍රින්ට් භාවිත කිරීමට අදාළව දෙන ලද සැලසුමකට අනුව ඕනෑම වර්ගයක වාත්තු මලක් නිර්මාණය කිරීම.
III. ජල නල, නල එළීම හා ලී අංශය
10. නළ කර්මාන්තකරු (Pipe fitter)
පුරප්පාඩු: 01
කාර්යභාරය: වායු සම්පීඩන යන්ත්‍ර, බොයිලේරු ක්‍රියාත්මක කිරීම සහ සුළු නඩත්තු කටයුතු සිදුකිරීම.
වෘත්තීය සුදුසුකම්: පිළිගත් ආයතනයකින් වසර 02ක පාඨමාලාව, උණුසුම්/සීතල ජල නල, මල අපද්‍රව්‍ය පද්ධති, චිල් වෝටර් (Chilled Water), වාෂ්ප පයිප්ප, සම්පීඩිත වායු සහ ගිනි නිවන පද්ධති සවිකිරීම හා නඩත්තුව.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): උණුසුම්/සීතල ජල නල, වාෂ්ප, චිල් වෝටර්, සම්පීඩිත වායු, ගෑස් සපයන නල පද්ධති සහ පොම්ප සවිකිරීම්/නඩත්තුව.
11. ජල නළ කාර්මික (Plumber)
පුරප්පාඩු: 01
කාර්යභාරය: PVC සහ GI ජලනල පද්ධති සවිකිරීම, නාන කාමර සඳහා සනීපාරක්ෂක උපකරණ සවිකිරීම, ජල සම්පාදනය ක්‍රියාකරවීම හා නඩත්තුව.
වෘත්තීය සුදුසුකම්: පිළිගත් ආයතනයකින් වසර 01ක පාඨමාලාව, ගෘහස්ථ ජලනල පද්ධති, පොම්ප, මලාපවහන පද්ධති සහ වානේ පයිප්ප සවිකිරීමේ පළපුරුද්ද.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): ගෘහස්ථ ජලනල පද්ධති අලුතින් සවිකිරීම/අලුත්වැඩියාව, ජල පොම්ප සවිකිරීම, මලාපවහන පද්ධති සහ කුණු ජලය බැහැර කරන නල සවිකිරීම.
12. යන්ත්‍රකරු - ලී (Machinist - Wood)
පුරප්පාඩු: 01
කාර්යභාරය: වඩු කාර්මික අංශයේ ඇති සියලුම යන්ත්‍ර ක්‍රියාකරවීම, සුළු සේවා කටයුතු සහ ඇස්තමේන්තු ලබාදීම.
වෘත්තීය සුදුසුකම්: පිළිගත් ආයතනයකින් වසර 02ක පාඨමාලා සහතිකය, සැලසුම් කියවීම සහ පහත දැව යන්ත්‍ර අතුරින් මට්ටම සහ ඝනකම ගෑමේ යන්ත්‍රය ද ඇතුළත්ව අවම වශයෙන් මැෂින් 05ක් ක්‍රියාකරවීමේ හැකියාව.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): මෝටයිසින්, ටෙනොනින්, සරල මෝල්ඩින්, සෑන්ඩින්, දැව ලියවීමේ, මට්ටම සහ ඝනකම ගෑමේ මැෂින් අතුරින් අවම වශයෙන් මැෂින් 5ක් කෙටි කාලයකදී සාර්ථකව ක්‍රියාත්මක කිරීම.
13. දැව කර්මාන්තකරු - දැව භාණ්ඩ (Carpenter - Furniture)
පුරප්පාඩු: 01
කාර්යභාරය: ලී වලින් නිෂ්පාදනය කරන සියලු වර්ගයේ ගෘහ භාණ්ඩ සෑදීම, පොලිෂ් කිරීම සහ අලුත්වැඩියා කටයුතු.
වෘත්තීය සුදුසුකම්: පිළිගත් ආයතනයකින් වසර 02ක පාඨමාලාව, දැව වර්ග පිළිබඳ දැනුම, දැව මුට්ටු වර්ග සෑදීම, දැව බෝඩ්/කුට්ටි මඟින් භාණ්ඩ නිපදවීම, පවර් ටූල්ස් නඩත්තුව.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): දැව භාණ්ඩ සෑදීමට ඇස්තමේන්තු සැකසීම, දැව බෝඩ් හා කුට්ටි මඟින් භාණ්ඩ නිපදවීම, උපකරණ මුවහත් කිරීම සහ පවර් ටූල් නඩත්තුව.
IV. ප්‍රවාහන හා බර වාහන අංශය
14. බර වාහන ක්‍රියාකරු (Heavy Vehicle Operator)
පුරප්පාඩු: 04
කාර්යභාරය: බර වාහන ක්‍රියාත්මක කරවීම සහ එම වාහන වල සුළු සේවා/නඩත්තු කටයුතු කිරීම.
වෘත්තීය සුදුසුකම්: බර වාහන ක්‍රියාකරවීම සම්බන්ධයෙන් පිළිගත් ලියාපදිංචි ආයතනයක අවම වශයෙන් වසර 10 ක පළපුරුද්ද, මූලික නඩත්තු දැනුම, ප්‍රයිම් මුවර් ට්‍රේලර්, ක්‍රේන්, ලොරි සහ ෆෝක්ලිෆ්ට් ක්‍රියාකරවීමේ හැකියාව සමඟ NVQ 04 මට්ටම.
ප්‍රායෝගික පරීක්ෂණය (පැය 01 / ලකුණු 100 / සමත් ලකුණු 40): මගී බස් රථයක් පැදවීම, භාණ්ඩ ප්‍රවාහන ලොරියක් පැදවීම, ෆෝක්ලිෆ්ට් ක්‍රියාකරවීම සහ බර වාහන නඩත්තුව පිළිබඳ ප්‍රායෝගික දැනුම.
3. පොදු අධ්‍යාපන හා මූලික සුදුසුකම්
- අධ්‍යාපන සුදුසුකම්: අ.පො.ස. (සාමාන්‍ය පෙළ) විභාගයේදී වාර දෙකකට නොවැඩි ගණනකදී සම්මාන 02ක් සහිතව විෂයයන් 06ක් සමත් වී තිබීම.
විශේෂ චක්රලේඛ සහනය: රාජ්‍ය පරිපාලන චක්රලේඛ අංක 28/2016 අනුව අදාළ ක්ෂේත්‍රයට අදාළව NVQ Level 3 හෝ NVQ Level 4 නිපුණතාවයක් ලබා ඇත්නම් ඉහත සාමාන්‍ය පෙළ විභාග සුදුසුකම අදාළ නොවේ.
- සේවා පළපුරුද්ද: රජයේ හෝ පෞද්ගලික ආයතනයක අදාළ ක්ෂේත්‍රයේ වසර දෙකක (02) පළපුරුද්ද අමතර සුදුසුකමක් ලෙස සලකනු ලැබේ.
- වයස් සීමාව: අයදුම්පත් කැඳවන අවසන් දිනට (2026.10.23) වයස අවුරුදු 18 ට නොඅඩු සහ 45 ට නොවැඩි විය යුතුය.
- කායික සුදුසුකම්: ශ්‍රී ලංකාවේ ඕනෑම ප්‍රදේශයක සේවය කිරීමට ප්‍රමාණවත් ශාරීරික හා මානසික යෝග්‍යතාවය තිබිය යුතුය.
4. වැටුප් පරිමාණය සහ ශ්‍රේණිගත උසස්වීම්
මෙම තනතුරු සඳහා රාජ්‍ය පරිපාලන වැටුප් චක්රලේඛ අංක 10/2025 යටතේ PL3-2025 වැටුප් කේතය හිමිවේ.
සම්පූර්ණ වැටුප් පරිමාණය: රු. 42,780 - 10x490 - 10x540 - 10x590 - 12x630 = රු. 66,540/-
| ශ්‍රේණිය | වැටුප් පියවර | ආරම්භක මූලික වැටුප (මසකට) |
|---|---|---|
| III වන ශ්‍රේණිය (ආරම්භක) | පියවර 01 | රු. 42,780/- |
| II වන ශ්‍රේණිය | පියවර 12 | රු. 48,220/- |
| I වන ශ්‍රේණිය | පියවර 22 | රු. 53,670/- |
| විශේෂ ශ්‍රේණිය | පියවර 32 | රු. 59,610/- |
5. තෝරාගැනීමේ ක්‍රමවේදය සහ ලකුණු පටිපාටිය (ලකුණු 100)
බඳවා ගැනීම සිදු කරනු ලබන්නේ වෘත්තීය ප්‍රායෝගික පරීක්ෂණයක සහ යෝග්‍යතා ඇගයීමේ සම්මුඛ පරීක්ෂණයක ප්‍රතිඵල මතය:
- වෘත්තීය ප්‍රායෝගික පරීක්ෂණය: පැය 01ක කාලයක් හිමිවන අතර සමත්වීම සඳහා ලකුණු 100න් අවම වශයෙන් ලකුණු 40ක් ලබාගත යුතුය.
- යෝග්‍යතා ඇගයීමේ සම්මුඛ පරීක්ෂණය (ලකුණු 100): ප්‍රායෝගික පරීක්ෂණය සමත් වන අයදුම්කරුවන්ගේ සුදුසුකම් පහත ලකුණු ක්‍රමවේදය අනුව ඇගයීමට ලක් කෙරේ:
| ප්‍රධාන ශීර්ෂය | ලකුණු ලබාදෙන ආකාරය | උපරිම ලකුණු |
|---|---|---|
| අතිරේක අධ්‍යාපන සුදුසුකම් |
• අ.පො.ස. (උසස් පෙළ) සමත් එක් විෂයකට ලකුණු 02 බැගින් (උපරිම 06) • පිළිගත් ආයතනයක සහතික/ඩිප්ලෝමා: මාස 3-6 (ලකුණු 4), මාස 6-12 (ලකුණු 8), මාස 12 හෝ ඊට වැඩි (ලකුණු 14) |
20 |
| සේවා පළපුරුද්ද | රජයේ හෝ පෞද්ගලික ආයතනයක අදාළ ක්ෂේත්‍රයේ පළපුරුද්ද සඳහා එක් වසරකට ලකුණු 08 බැගින් | 40 |
| පුහුණු පාඨමාලා | රජය පිළිගත් ආයතනයක ඉංජිනේරු ක්ෂේත්‍රයේ පුහුණු පාඨමාලා: මසකට අඩු (ලකුණු 2), මාස 1-3 (ලකුණු 5), මාස 3-6 (ලකුණු 10), මාස 6ට වැඩි (ලකුණු 15) | 15 |
| විෂය බාහිර ක්‍රියාකාරකම් | ක්‍රීඩා සහතික: පළාත් මට්ටම (ලකුණු 5), සමස්ත ලංකා මට්ටම (ලකුණු 10), පාසලේ ශිෂ්‍ය නායක තනතුරු සඳහා (ලකුණු 5) | 20 |
| සම්මුඛ පරීක්ෂණ කුසලතාවය | සම්මුඛ පරීක්ෂණ මණ්ඩලය ඉදිරියේ දක්වන කුසලතාව අනුව | 05 |
| එකතුව | 100 | |