ලංකා තැපැල් දෙපාර්තමේන්තුවේ ප්‍රාථමික ශිල්පීය නිලධර ගණයේ III වන ශ්‍රේණියේ තැපැල් රියදුරු (සීමිත) තනතුර සඳහා බඳවා ගැනීමේ ප්‍රායෝගික පරීක්ෂණය පිළිබඳව නිවේදනය කර ඇත
තනතුර: තැපැල් රියදුරු - III වන ශ්‍රේණිය (සීමිත)
පුරප්පාඩු සංඛ්‍යාව: 14 කි
අයදුම් කළ හැකි අය: තැපැල් දෙපාර්තමේන්තුවේ තැපැල් සහායක (PPL-1-2025, PPL-2-2025, PPL-3-2025, PPL-4-2025) සහ තැපැල් සහායක කාර්මික (PL-2-2025) තනතුරු දරන කාර්ය මණ්ඩලය.
වැටුප් පරිමාණය: රු. 42,780 - 66,540 (PL 3-2025 වැටුප් පරිමාණය). වයස් සීමාව: අදාළ නොවේ. අධ්‍යාපන සුදුසුකම්: අදාළ නොවේ. අවශ්‍ය සුදුසුකම්වෘත්තීය සහ පළපුරුද්ද: මෝටර් රථ ප්‍රවාහන කොමසාරිස් ජනරාල් විසින් නිකුත් කළ D පංතියේ (බර වාහන) රියදුරු බලපත්‍රයක් 2026.09.18 දිනට වසර 03 කට පෙර ලබා තිබිය යුතුය.
සේවා කාලය: 2026.09.18 දිනට තනතුරේ ස්ථීර කරන ලද, අවුරුදු 05 ක සක්‍රීය සේවා කාලයක් සම්පූර්ණ කර තිබිය යුතු අතර විනයානුකූල දඬුවම් නොලබා තිබිය යුතුය. කායික සුදුසුකම්: උස අවම වශයෙන් අඩි 05 යි අඟල් 2 ½ (සෙ.මි. 157) විය යුතුය.
ජාතික ප්‍රවාහන වෛද්‍ය ආයතනයෙන් ලබාගත් වෛද්‍ය සහතිකයක් මඟින් දිවා සහ රාත්‍රී කාලයේ රාජකාරියට යෝග්‍ය බව තහවුරු කළ යුතුය.
ස්ත්‍රී/පුරුෂ භාවය: පුරුෂ පාර්ශවයට පමණක් සීමා වේ.
තෝරා ගැනීමේ ක්‍රමයප්‍රායෝගික පරීක්ෂණයක් මඟින් තෝරා ගැනීම සිදු කෙරේ (සම්මුඛ පරීක්ෂණය සඳහා ලකුණු ලබා නොදේ). ප්‍රායෝගික පරීක්ෂණයේ විෂයයන් සහ ලකුණු:රිය පැදවීමේ නිපුණත්වය (උපරිම ලකුණු 40 / සමත් ලකුණු 20). මහා මාර්ග නීති පිළිබඳ ප්‍රායෝගික දැනුම (උපරිම ලකුණු 40 / සමත් ලකුණු 20). මෝටර් යාන්ත්‍රික විද්‍යාව පිළිබඳ මූලික දැනුම (උපරිම ලකුණු 20 / සමත් ලකුණු 10). සටහන: මෙම විෂයයන් තුනම එකවර සමත් විය යුතුය. අයදුම් කිරීමේ විස්තර
අවසන් දිනය: 2026 සැප්තැම්බර් 18